Weblog

Saturday, 24 May 2008

  • ＊眼淚只會因你流＊

    不知不覺地你已經離開了我們３個月多了．如今只能在相片中找到你．以後都唔會再有機會能夠親眼見到你啦．好內疚之前點解唔成日出去搵你

    係你離開了後數幾天．心真的很難平服．成日諗諗下便會喊了．到現在諗起你．不再喊了．不過心就依然酸痛．腦入面成日諗住過去見到你所發生既事

    今年生日從未開心過．因為我至親既人得到了１個病無得醫．當時我諗會唔會係搞錯．點解好地地會有肺癌．你又唔食煙唔飲酒點解咁都會有個咁既病．仲要係末期

    還記得當天你走前個１２個鐘．大家都啞口無言．個個人都愁眉苦臉．大家都知道好快就會冇左個媽媽，嫲嫲，婆婆．到了最後大家都涕淚交加．無奈地見你最後一面

    記得在你病情仲未到太差既時候．我同之前女朋友去探你既時候．同你傾左陣計．當時你同我講左句（婆婆個病無得醫架啦）．我便哭起來了．到依家我打番Ｄ野既時候．都係流起淚來．諗番起１７年既新年，過時過節．都有你係到架．依家咩都無晒啦

    仲記得過年．我都會同你１齊玩魚蝦蟹．派利是（唔係貪錢）．但係我知道１８歲後係唔會再有你派比我既利是．同我１齊玩．１齊開開心心咁食飯

    之前１上到你家．１見到你我真係好開心架．好想變番之前咁上到去你會叫個花名．婆婆你湊左我１０年有多．突然之間同你發生過既事．告左１段落．好想再食到你煮既野呀．真係好令我回味．好想再見到你笑呀

    之前成日同你去呢到去果到．諗番都唔知係開心好定喊好．到左你海葬果日．我平時見到既婆婆．得番１袋骨灰．成個就咁得番咁既野係到．再同唔到你傾計啦．好想你會好似之前咁．會打比我問我做緊咩．呢派點呀．叫我番工要比心機．永遠都冇機會啦

    記得係你走果日．走前派左最後１封利是比大家．之後再同大家講左Ｄ野．記得你同媽咪講．要媽咪睇住我．果陣時我個心真係好酸．臨走前都叫我地大家要照顧自己．好想再有你關心照顧住我地每１個．你知唔知我真係好唔捨得你架

    我記得我仲同你講話．希望下１世都可以做你個孫．果陣時我淨係諗住你可唔可以唔死．可能我真係好低Ｂ啦

    直到依家．好多野都變晒．大家都好少會再聚埋１齊．同埋冇左你係到．感覺真係好唔同．好似硬係爭咁Ｄ野．我知道屋企裡面個個人都係好似同我１樣咁．有同１種心情．同１種諗法．不過依家講都沒有用了．因為呢個係事實．冇得番轉頭．如果呢件事．係個夢你話幾好．我知道你守護住我地每１個．係我心目中你永遠永遠在我們左右

    　　　　　　　　　　　　　　　　　　　　　　　　　　　　　　I mIsS yOu eVeRy dAy

Top Tags - Weblog

[no tags]